ВЫЛЬ НИМЪЯС


Выль оланног лунысь-лун пыр ёнджыка пырӧ йӧз пӧвстӧ. Ӧні весиг сиктъясын вунӧдчӧны, эновтчӧны важсьыс, овмӧдчӧны выль ног. Эновтчыны пондісны вичкоысь, унаӧн нин оз мунны сэтчӧ ни венчайтчыны, ни челядьнысӧ пыртны. Сӧмын унаӧн шулывлӧны, колӧ пӧ нимсӧ кагалы выльӧс пуктыны да ог пӧ куж, колӧ пӧ эськӧ газетын гижны выль нимъяссӧ. Сы вӧсна татчӧ гижам, кутшӧм нимъяс вӧзйӧны челядьлы выль ног олысь йӧз.

Пи нимъяс: Владимир (Ленин ним кузя), Спартак, Прометей, Артём, Гений, Декабрин, Карл (Либкнехт ним кузя), Ким, Май, Новомир, Октябрин.

Ныв нимъяс: Клара (Цеткин ним кузя), Нэлли, Роза (Люксембург ним кузя), Лена, Декабрина, Звездочка, Майя, Марксиана, Октябрина.

Важ нимъястӧ вӧлі пуктӧны ылӧсас, кутшӧм матынджык сідз шусяна «Святцы» серти. Мый лоӧ сійӧ либӧ мӧд ним — оз думыштлыны. Мукӧд нимсӧ кӧ эськӧ висьтавны комиӧн — зэв тешкодьӧсь. Ардальон комиӧн лоӧ Ляксьӧм, Аркадий — Скӧт видзысь, Герман — Ӧтка пи, Кондрат — Нёль пельӧса, Корнелий — Сюра, Петыр — Из, Клавдия — Чотысь, Ксантиппа — Гӧрд вӧв, Маланья — Сьӧд.

Тайӧ нимъяссӧ босьтӧмаӧсь мукӧд сёрниа йӧзлысь. Ми ог гӧгӧрвоӧй, мый лоӧ, да лӧсьыд кажитчӧ. Выль нимъяс ми тӧдам, мый лоӧ, тӧдам, мый понда пуктам (кодӧскӧ мыйыськӧ казьтылӧм понда). Сӧмын сы вӧсна нин выль нимъяс бурджыкӧсь важ нимъяс дорысь.


Гижӧд
Выль нимъяс
Йӧзӧдан во: 

lkejrlkelkrgner klrjnelknfrkl ekjnrjkenfrej

1