ЧУЖАН МУ


Ок и уна нин кывбур тэн сиӧма,
Оз нин вынаджык кывъясыс сюравны.
Сэксянь ылӧдз тэ, Коми му, нималан,
Корсянь босьтчисны эмбуртӧ куравны.

Сӧмын вужвойтыр, мӧд ногӧн комияс,
Потӧм вор дорӧ, коньӧръяс, кольӧны.
Коми ныв-пиян, медсясӧ, томъясыс,
Ӧта-мӧдыскӧд рочӧн нин гольгӧны.

Коркӧ вӧвлін тэ коляоз вом дора,
Пиньтӧм пӧчӧ моз талун тэ нярмӧмыд.
Коркӧ веж вӧрыс шувгыліс пом ни дор,
Куштӧм пӧтка кодь талун со парманым.

Ичӧтдырйи на, гачтӧг кор котравлі,
Чужан муӧйкӧд нэм кежлӧ сывъяси.
Талун пармаын ас коми войтырлы
Сизьда памятник шань коми кывъясысь.