ПЫЖ
Кӧть эськӧ шогмытӧмӧдз рыжмис, Но эз на эскыссьы тай пыжлы, Мый сійӧс лэптісны зэв вылӧ, Кысь ваыс некор нин оз кылӧд. Кузь тӧвбыд кайтіс «эшкын» улас: «Вот регыд, регыд воас тулыс, Морт менам тэрмасьӧмӧн локтас, Пӧсь сирӧн мавтас воймӧм бокъяс, И тӧвзям сыкӧд Эжва шӧрӧ. Ю веркӧс медым гыӧн вӧрӧ, Мед ваыс петӧма кӧ кырйысь, Ми мӧдам катны сьылігтырйи. И кыкнанным ми ёнысь ёнӧсь, Оз косьмыв мышъяс гожӧм помӧдз: Ог олӧй лун ми чери кыйтӧг, Тшак-вотӧс вӧрысь ваям мыйта…». Кад ассьыс уджсӧ бура тӧдӧ – Йи кывтліс-сувтліс нин пӧв-мӧдысь, А важмӧм пыжыс, кыдз и мӧйму, (Морт сійӧс лэдзны век оз слӧймы) Пыр ӧтмоз куйлӧ места вылас… Но лымйыс бара мыйӧн сылас, Пыж миян радлӧ, кыдз и войдӧр, Да чайтӧ, талун-аски ойдас.
Гижӧд: 
Жанр: 

lkejrlkelkrgner klrjnelknfrkl ekjnrjkenfrej

1