ПОЖӦМ


Еджыд яла, зарни кольяс...
Ӧтка пожӧмӧн тай коли.
Эта пасьта гулыд ягысь
Сывъя пожӧмъяссӧ сакис
Сивныр-тӧлыс бушков черӧн.
Сӧмын ӧтнамӧс эз керав.

Еджыд яла, зарни кольяс...
Ӧткӧн яг шӧрас тай коли.
Чуньпом ӧтнам постӧг-тастӧг.
Подув тырис пипу раскӧн.
Мыйла сивнырыслӧн черыс
Менӧ ӧтнамӧс эз керышт?

Еджыд яла, зарни кольяс...
Ӧтка пожӧмӧн тай коли.
Болоньӧй-ӧ эз вӧв рӧшкыд?
Сьӧвмӧсӧй-ӧ эз вӧв тӧщӧ?
Мыйла сивнырыс эз весав?
Эз-ӧ лолӧс лолӧд песлав.

Еджыд яла, зарни колльыс
Пӧрӧм пожӧмъяссьыс колис.
Пузув яла, пипу коньӧр
Пӧрӧм войпуяслы поньӧд.
Гырдӧн тёпкӧ пипу корйыс.
Оз кыв пипу пожӧм горӧс.

Еджыд лыа, зарни кольяс...
Ягысь пипу сарги колис.
Сяргӧ-вӧйпсьӧ пипу раскыс:
Сивныр пӧрӧдас пӧ аски.
Пӧра кӧ тай, лача колис:
Оз кӧ сісьмы зарни колльыс