МУСЛУН
Томиник пелысьӧс Быдмигас чегисны. Кыптӧма кодлӧнкӧ лов. Лёксӧ эз вӧчлыв Шань пелысьыс некодлы, Сьӧлӧмас видзис любов. Шонділань, югыдлань Коръяснас нюжӧдчис. Тӧвруысь сырмывліс пыр. Ӧтиӧс, шондіӧс, Пӧся зэв радейтліс, Сыӧн пыр сьӧлӧмыс тыр. Кымӧра лунъясӧ Пелысьыс гажтӧмчис. Зэр тусьяс, кыдз синва войт. Тӧвруыс радейтчан Кывъяс сэк вашкӧдіс Меліа, эз бара дойд. Мый эськӧ тӧврукӧд Сылы не сывъясьны, Шонділы абу кӧ пӧв. Сӧмын тай шондіысь Донаджык, мусаджык Некоді сылы эз вӧв. Ӧні со кулӧ нин Томиник пелысьыс. Му бердын — кисьмӧм гӧрд роз. Шогалӧ вӧр весьтын Кельдӧдӧм тӧлысьыс, Шуштӧма шувгӧ дзор коз. Тӧвруыс коръяссӧ Бӧрдӧмӧн окалӧ: «Ловзьы, эн кув, сьӧлӧмшӧр». Сувт, муса пелысьӧй, Асывнас шонділань Кыпӧдчы-нюжӧдчы бӧр».
Гижысь: 
Гижӧд: 
Жанр: 

lkejrlkelkrgner klrjnelknfrkl ekjnrjkenfrej

1