МОРТ ОЛӦМ


Мыйла мортыд чужӧ?
Мыйла сійӧ олӧ?
Уджавнысӧ мыйла
Кувтӧдз сылы колӧ?

Сиӧма быд мортлы
Быдмӧм вылӧ чужны.
Быдмынысӧ, вокъяс,
Бура колӧ кужны.

Ичӧтдырйи кодлӧн
Вежӧрыс оз югды,
Пемыдлуныс сійӧс
Конъявны оз дугды.

Миян вӧльнӧй муын
Быдлаын эм школа.
Шуда сійӧ мортыд,
Коді сэтчӧ волӧ.

Быдтор сійӧ кутас
Тӧдны, гӧгӧрвоны.
Сюсь вежӧра мортӧн
Вермас сэсся лоны.

Миян вӧльнӧй мулӧн
Мичлун сылы воссяс,
Ӧтувъя удж вӧчны
Зіля сійӧ босьтсяс.

Тайӧ дружнӧй уджӧн
Шуднымӧс ми дорам,
Ёнмӧдам выль олӧм,
Важсясӧ ми ёрам.

Огӧ кӧ ми пондӧй
Уджалӧмысь повны,
Гажаа да бура
Ставным кутам овны!

1920 во.