КОМИ ЙӦЗЛЫ


Велӧдчӧй, коми йӧз, овны!
Босьтчывлӧй аслыныд
	Шуднытӧ дорны!
Быдторйыс важысянь
	Миянвыв муніс,
Тшыгыс и кӧдзыдыс инмис:
	Тышъясыс, косьясыс — ставыс.
________

Коркӧ ми важӧн нин,
	Важӧн нин зэв
Овлывлім лунвылын ылын,
Да оз тай му вылад
Горш йӧзыд тӧрны:
	Вӧтлісны, зырисны
	Миянӧс сэтысь
	Татчӧ тай войвылас, ылӧ.
Сьӧд вӧр да кын му тай
Миянлы тані мойвиис.
	— Налӧй пӧ, йирӧй ті, йӧйяс,—
	Шуисны миянлы ёнъяс.
…………………………..
…………………………..