ЛОӦМААС БЫТТЬӦ ЭМ ТШӦТШ ТЭНАД МЫЖ...
Вой шӧр бӧрын менӧ садьмӧдіс лёк вӧт — Быттьӧ бара вийся-тышкася лёк йӧзкӧд, Найӧ мырдӧн, лёкысь кыйӧны ас чӧскӧ, И вынӧй бырӧ, кӧть тэ сэсся дзикӧдз пӧд. А войся ывла вылын нӧйтчӧ кӧдзыд зэр, Пемыд ӧшиньӧ зэв дӧзмӧдчана сяргӧ, Сыкӧд вой тӧв лёкысь омлялӧ и няргӧ, Мудзӧм абу сылӧн, весиг лич оз кер. И водзӧ дзикӧдз вошӧ менам узян ун, Шогыс босьтӧ менӧ кӧдзыд вой тӧв вынӧн, Сійӧс кутан езыс менам дзикӧдз мынӧ, — Кӧть тэ сэсся кутшӧм йирӧ ловнад сун! Казьтылӧмыс лэдзӧ ассьыс лэчыд гыж — Аддзан, коді важӧн усьӧм, коді кулӧм, И унаторысь дзескыда тэ асьтӧ кылан, Лоӧмаас быттьӧ эм тшӧтш тэнад мыж. А ывла вылын вой тӧв водзӧ босьтӧ вын, Сыкӧд кольӧм тӧлыс лёкысь выльысь гызьӧ — Дзикӧдз кӧдздӧдӧ да чожа кыза йизьӧ, И майся тувсов лунӧ турзьӧ-усьӧ лым.
Гижӧд
Лоӧмаас быттьӧ эм тшӧтш тэнад мыж...
Жанр: 

lkejrlkelkrgner klrjnelknfrkl ekjnrjkenfrej

1