ТЭ ДЫРДЖЫК ТАНІ ЧӦСМАСЬ НЯНЬӦН

Кор шогыс ёна топӧдлывлӧ менӧ,
Да быттьӧ дзикӧдз пемдлӧ югыд лун,
Ме сэки сыкӧд вола ыджыд венӧ
Да казьтыла, мый важӧн шуліс тун:

«Тэ удитлан на Мӧд Югыдас ланьтны
Да куйӧдавны тэнӧ чужтлысь Му,
Тэ дырджык чӧсмась Тані аслад няньӧн
Да нимкодьпырысь ассьыд вина ю».
________

Но овлӧ здук, кор шогыс тэнӧ вермӧ
И чашйӧ ловтӧ лэчыд гыжйӧн моз,
Сэк оз отсав тэныд весиг ачыс Енмыс,
И тэ мырдӧн восьтан курыд вина доз.