КОЙГОРТ

Сыктыв йывлань сьӧлӧм лэбзьӧ,
Кӧнъясын кӧть ме эг ло, — 
Сэні коркӧ ӧддзис-ловзис
Олӧм вылӧ менам лов.

	Ок, Койгорт, ок, Койгорт,
	Тэ — менӧ лыбӧдысь турилӧн борд;
	Ок, Койгорт, ок, Койгорт,
	Тэ — менам гажӧй и кӧдзалӧм горт.

Лэбысь кельӧб бӧрся сетчи — 
Том бордъяснад уй да уй! — 
Ылалі ме паськыд светас,
Вошті бӧрсӧ локтан туй.

	Ок, Койгорт, ок, Койгорт,
	Тэ — менӧ лыбӧдысь турилӧн борд;
	Ок, Койгорт, ок, Койгорт,
	Тэ — менам шудӧй и эновтӧм горт.

Менам сьӧлӧм потӧ шӧри — 
Доя вурыс олігчӧж! — 
Вийся чужан мулань бӧр ме,
Но тай сибдӧм ылӧ бӧж.
		
	Ок, Койгорт, ок, Койгорт,
	Тэ — менӧ лыбӧдысь турилӧн борд;
	Ок, Койгорт, ок, Койгорт,
	Тэ — менам сьылан и пазалӧм горт.