КӦДЗЫД ТӦВСЯ АСЫВЮгыдыс мырдысьӧн сӧдзӧ — Асылыс потӧма кузь! Ывлаын йиркӧдчӧ кӧдзыд... Садьми да, важӧн ог узь. Мӧвпавсьӧ быдторыс йылысь, Лёкалысь олӧмсьыс шог... Абу ӧд пу йылын сьылысь, — Быдторӧдз меным тай мог. Киссьӧм страна понда вийся... Размунім гӧгӧр чой-вок. Ӧні кӧть кувтӧдзыд висьман, Некод тэ дінӧ оз лок. Быд ногыс виӧны мортӧс, Быдлаын кисьтӧны вир, Шогыс да дойыс нин дортӧм, — Лёкалӧ, йӧйталӧ мир! Ӧтарӧ эралысь венас Аслад тшӧтш олӧмыд дзуг, — Эн куж тэ лӧсьӧдны сэні Челядьлы шудаджык дзу. Ньӧмдыны сідзи и ковмас — Шог лолӧн эновтны Му. Ми воксӧ, шудтӧмсӧ, вермас Сӧмын нин лӧньӧдны гу.
