БАТЬ
Тувсов мыччысьӧ шонді, Садьмӧ ру пытшкысь асывъя му. Ывла эрдыслысь мичсӧ он конды И морт кывйӧн он висьтав, он шу. Сьылӧ колип, Вӧр-ва сьылӧ, Сӧмын бать... Нимкодясьны некор сылы, — Мӧдӧн тырӧма юр садь: Корӧ сьӧлӧмыс дугдывтӧг сылӧн Гӧрны му, либӧ видз вылысь весавны бадь. Ми на чӧскыда узям, Пӧттӧдз веськӧдам асывъя ун, Бать жӧ йӧр дорті, бусӧсь туй кузя, Важӧн мунӧ, — сылы важӧн нин лун. Сьылӧ колип, Вӧр-ва сьылӧ, Сӧмын бать... Нимкодясьны некор сылы, — Мӧдӧн тырӧма юр садь: Корӧ сьӧлӧмыс дугдывтӧг сылӧн Гӧрны му, либӧ видз вылысь весавны бадь. Садьмам, йӧвтор ми сёям, Петам котравны ывлаӧ пыр. Шонді лышкыда югӧр сэн койӧ, Гортӧ ывлаысь некод оз пыр «Сьылӧ колип, Вӧр-ва сьылӧ, Сӧмын бать... Нимкодясьны некор сылы, — Мӧдӧн тырӧма юр садь: Корӧ сьӧлӧмыс дугдывтӧг сылӧн Помтӧм уджъяслысь кыскыны дадь. Кытчӧ кольӧма, кытчӧ Шуда челядьдыр, гажа том кад? Тӧждлун аслыным олӧмыс мыччис, И ас челядьлысь кывны зэв рад: «Сьылӧ колип, Вӧр-ва сьылӧ, Сӧмын бать... Нимкодясьны некор сылы, — Мӧдӧн тырӧма юр садь: Корӧ сьӧлӧмыс дугдывтӧг сылӧн Помтӧм уджъяслысь кыскыны дадь».
Гижӧд: 
Жанр: 
Гижан кад: 

lkejrlkelkrgner klrjnelknfrkl ekjnrjkenfrej