ВАСЬКА


Миян гортын эм ыджыд да ён Васька кань. Кор вои отпускӧ чужан сиктӧ, автобусысь чеччи лавка дорӧ, ӧти сиктса дядьӧ аддзис чери сумкаӧс да шуис, мыйла нӧ пӧ ваян черитӧ, тіян асланыд каньныд юысь чери кыйӧ. Ме, дерт, сылы эг эскы, чайті, шмонитӧ дядьӧыд. Миян сиктын шмонитысьыд да пӧръясьысьыд, майбыр, тырмӧ.

Кор пыри гортӧ, медводз юалі мамӧлысь: кӧн нӧ Васькаыд. Чери пӧ кыйӧ, вочавидзис. Эн, мися сӧр. А вот пӧ мун ю дорас лэччыв да видзӧдлы.

Лэччи вадорӧ. Видзӧда — кык зонка, Виктор да Илья, — вугыр шатинӧн кыйӧны чери. А миян Васька пукалӧ дзик вадорас да таб вылас видзӧдӧ. Друг табйыс Викторлӧн вӧрзис, а кань лапа пӧвсӧ нин лэптыштліс. Тӧдӧ нин, мый ёкышпи ли кельчи сама вугырсӧ вӧрӧдӧ. А кор табйыс вӧйи, кыкнан воддза лапанас пырис ваас. Виктор лэптіс весьт кузьта мык, перйис вугырсьыс и дзик жӧ пыр сетіс Васькалы. Ми пӧ ӧд талы и кыйсям. Водз пӧ локтӧ ӧшинь уланым. Ми узям на, а сійӧ виччысьӧ нин миянӧс. А дырджык кӧ ог чеччӧй, юрсӧ чатӧртӧмӧн чуксасьны кутас: «Няв-ням!»


Гижысь: 
Гижӧд: 
Жанр: 

lkejrlkelkrgner klrjnelknfrkl ekjnrjkenfrej