КЫДЗ

Визув ю кӧн визувтӧ,
Дзоридзалӧ видз, — 
Югыд ваӧ видзӧдчӧ
Мича ныв кодь кыдз.

Веж кӧсаяс лэдзӧма,
Югыд чужӧмбан,
Шоналӧма вемӧдзыс
Шонді водзас тан.

Юа ме шань кыдзӧйлысь
Чӧскыд зарава — 
Шондібанӧн сӧдзӧдӧм
Ловзьӧдана ва.

Топыд туис козьналас — 
Эстшӧм жӧ нин мич! — 
Сэні сылысь козинсӧ
Мыйта колӧ видз!

Веж ув мыччас вывсяньыс — 
Асьсӧ оз и дойд, — 
Тӧвнас лоӧ пывсянын
Гожӧм йылысь мойд!