КАЗЬТЫЛӦМ
Эг, ме эг вунӧд гожся шоныд лунсӧ, Кор веж ыб вылын котравлі ме дыр. Дзик быттьӧ лэбач, лэби дзоридз весьтті Да тӧвзи, кытчӧдз эбӧсӧй эз быр. Став ловъя вылас шонді югӧр шӧтіс, Лӧз енэж вылас абу кымӧртор. Ме куйлі дзоридз пӧвстас. Сьӧлӧм тӧдіс: Мый татшӧм шудыс му вылас оз ор. Ме веж луд вылас сӧстӧм сьылан сьылі, Быд дзоридз-чветлысь малалі том кор. Но сьыланкывйӧй йӧлӧгаас сылі, И менсьым юркытш нуис визув шор. Эг, ме эг вунӧд гожся шоныд лунсӧ, Кор веж ыб вылын котравлі ме дыр. А ӧні косьмӧм лӧзов пӧлӧзнича Важ книга костын казьтӧ челядьдыр.
Гижӧд: 
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1