* * *

Ме лӧня шуа:
Эн на мун!
Дзик ӧти здук кӧть нӧшта козьнав,
Мед ме эг вунӧд.
Мед эг вун...
Эн мун!
Ме ачым ӧдзӧс восьта...
Мед лоӧ повтӧм тэнад ки,
Шань видзӧдластӧ помтӧг кыя,
И сійӧ, быттьӧ сисьлӧн би,
Кын сьӧлӧм менсьым сывдас выйӧдз.
Ок! Тэ кӧ тӧдін, кымын ю
Ме вуджлі, кымын туй ме мунлі
Тэ бӧрся.
Вӧтчи и эг су.
И ставыс, ставыс сэки вунлі.
Ок! Тӧдін кӧ тэ, муса морт,
Мый ас пыр нулі, 
Вӧвлі кӧні.
Ӧд муслуныс мен эзысь борд
Сэк козьнавліс.
А ӧні,
Ӧні?..