* * *

Кор ме кула, сійӧ луныс лоӧ лӧнь да югыд,
Весиг петас зарни шонді, енэж оз ло букыд.
Лоӧ гожӧм — шоныд пӧра, радейтана кадӧй.
Кор ме кула, оз ло райыд, муна аслам адӧ.

Кор ме кула, кодкӧ шуас: «Прӧщайт, менам ёртӧй,
Мыйла тадзи тэкӧд лоис, чегис кыкнан бордйыд?»
Тӧда, кодкӧ шуас лӧжсӧ, кодкӧ шуас збыльсӧ.
Кадыс коляс — вунӧдасны нимӧс, крестӧс, мыльксӧ.

Кор ме кула, сійӧ луныс лоӧ медся шуда,
Грекӧй тырыс, но ог повзьы ньӧти Страшнӧй судад.
Кор ме кула, гижан сямӧс сӧмын босьта сьӧрысь,
Мӧдар югыдас мед лоа кывбур гижысь-сӧрысь.