МУГЫД, МИЧА МОЛДАВАНКА

Ӧтчыд гожся асывводзӧ
Петі видзӧдлыны сад.
Мугыд, мича молдаванка
Вотӧ сэні виноград.
Гӧрдӧді и кельдӧді ме
И, эг тӧдлыв, петіс кыв:
«Кутам берег дорын
Кыа виччысьны, том ныв».

	Ой, веж юра, пашкыр юра мича клён!
	Нылыс мусмис, шӧйӧвоши ме, том зон.
	Ой, веж юра да пашкыр юра,
	Да зарни коръяса клён!

Мугыд, мича молдаванка
Шуис мен, эз нюжӧд кад:
«Партизанскӧй, молдаванскӧй
Миян котыртчӧ отряд.
Кыа петтӧдз партизанъяс
Талун эновтасны горт.
Виччысьӧ туй тэнӧ
Вӧрӧ, на дінӧ, бур ёрт!»

	Ой, веж юра, пашкыр юра мича клён!
	Нылыс мусмис, шӧйӧвоши ме, том зон.
	Ой, веж юра да пашкыр юра,
	Да зарни коръяса клён!

Мугыд, мича молдаванка
Вӧрӧ муніс садъяс пыр
И, мый менӧ эз босьт сьӧрсьыс,
Ме ӧбида кылі дыр.
Вода ме и вой оз узьсьы,
Юрын ныв йылысь век дум.
А отрядӧ вои,
Сылӧн шондіа мен нюм.

	Ой, веж юра, пашкыр юра мича клён!
	Шуӧ нылӧй: «Чолӧм тэныд, муса зон!
	Ой, веж юра да пашкыр юра,
	Да зарни коръяса клён!