СОЛОВЕЙЯС

Соловейяс, о-эй, вай эн сьывлӧй ті здук,
Мед салдатъяс кӧть узясны тшук,
Кӧть муртса, ӧти здук!...

Фронт вылӧ воис тувсов лун,
И ставлӧн вошис чӧскыд ун.
Эз сыысь, мый сэн пушка гор,
А сыысь, мый сэн лӧз ю дор,
Кӧн би и тшын, металлӧн звӧн,
Тыр соловейяс сьылӧмӧн.

Соловейяс, о-эй, вай эн сьывлӧй ті здук,
Мед салдатъяс кӧть узясны тшук!...

Но соловей война оз тӧд,
Дум ветлӧ юрас сылӧн мӧд.
Оз узь салдат — век мӧвпас горт,
Лӧз пруд, веж сад, ас енэж от.
Сэн соловейяс сьылӧны,
Салдатӧс радліг, виччӧны.

Соловейяс, о-эй, вай эн сьывлӧй ті здук,
Мед салдатъяс кӧть шойччасны тшук!..

Ӧд аски бара чорыд бой, — 
Сідз шуӧма нин — лун и вой
Пыр ылыстчыны сэтысь, кӧн
Ас вевт ув, гӧтыр быдӧнлӧн.
И бойын восьлаліг эн чот, — 
Быд воськов матысмӧдӧ горт.

Соловейяс, о-эй, вай эн сьывлӧй ті здук,
Мед салдатъяс кӧть шойччасны тшук,
Кӧть муртса, ӧти здук!...