КЫМӦР

Тэ разалӧм кымӧрлӧн медбӧръя кунӧр,
Со ӧтнадӧн енэжса лӧзӧдыс мунан,
Со ӧтнад тэ вайӧдан унзіль да ун,
Со ӧтнад тэ гажтӧмтан шондіа лун.

Тэ енэжсӧ неважӧн тупкылін гӧгӧр,
И кузяла чажйӧдліс чардыдлӧн ӧгыр,
И петкӧдлін скӧраліг шемӧс кодь гым,
И кӧтӧдін муыслысь морӧс и кым.

Но тырмас нин... Мунны кад, вешйыны тэныд.
Ӧд сайкаліс муыс и весассис енэж.
И тӧв тэнӧ, пуяслысь кышӧдіг кор,
Лӧз енэжысь тойлалӧ ортсыладор.