ЕНМЫД ЛОВЗЬӦМА


Батюшколӧн, Семен поплӧн,
Вӧлі сьӧмтор — мыйкӧ ноп-мӧд.
Абу дивӧ! Эн ті шензьӧй, эн:
Кевмис ёна — сетіс ен.
Кодыр кыптіс ыджыд вензьӧм,
Мырддялісны озыръяслысь сьӧм,
Попыд повзис: «Босьтасны тшӧтш менсьым —
Коля пась ни кӧм».
Сэсся, медым дзебны сьӧмсӧ пыдӧ,
Ӧти пемыд рытӧ
Деньга ящик кыскис
Алтар пытшкӧ.
Ящик вылас гижис мелӧн:
— Тайӧ дозъяс енлӧн телӧ.
Пӧнӧмарыс вӧлӧм сюсь:
Сійӧ ректас ящик кушӧдз
(Ӧти вой оз узь),
Сэсся гижӧд дінӧ содтас:
— Тані сылӧн абу шой:
Сійӧ ловзис колян вой.