МИ АСЛЫНЫМ АСЬНЫМ...
Ми аслыным асьным жӧ паръялім гу. Ми кодйим нин, эштіс нин сійӧ, И сулалам сэні, сьӧд гу дорын, ми. «Вай лыйлӧй жӧ миянӧс, виӧй. Мед доналӧм пуляыс юыштас вир, Мед морӧсӧ свинечыс пырас. Оз вӧрзьыштлы сьӧлӧм: ӧд тӧдам жӧ ми — Гӧль йӧз понда олӧмным бырас». А дзор тошка генерал шпыньмуніс сэк: «Гу кодйӧмсьыд тіянлы аттьӧ! Ті му вӧлі корад, сеті ме му, А вӧлятӧ енэжысь аддзад». «Звер сьӧлӧма кырныш, эн серавлы тэ, Мед миян кӧ татшӧм нин шудным, Вир кисьтӧмысь водзӧс на мынтасны тэд — Не пыр гӧльӧс горшӧдыс кутны. Ми мездлунсӧ шедӧдны босьтчылім водз, Лёк пулялы паныд ми петім. Ми бӧрвывсянь локтас выль тышкасьысь йӧз — Сэк на киӧ мездлуныс шедӧ. Власьт босьтасны ас киас уджалысь йӧз И дорасны выль олан ногъяс. Сэк гусяньным налы ми висьталам кыв: «Гӧль йӧз понда косясьӧй, вокъяс!» Вай лыйлӧй жӧ, лыйлӧй жӧ, помалӧй нэм, Мед вир юысь сьӧлӧмныд бурмас. Гӧль уджалысь сувтас: кыптылас вен, — Сэк пасьвартас гӧль йӧзлысь тюрма.
Вуджӧдысь: 
Гижӧд
Ми аслыным асьным...
Жанр: 

lkejrlkelkrgner klrjnelknfrkl ekjnrjkenfrej

1