КИРПИЧ ЗАВОДӦ МЕДАСИ МЕ...
Кӧнкӧ кар сайын, пӧдвал керкаын менӧ чужтӧма гӧлиник мам… Дас квайт арӧсӧн, коньӧран-нылӧй, кирпич заводӧ медаси ме. Сьӧкыд вӧлі зэв воддза пӧраыс. Но ӧти во уджавмысьт сэн — гора гажысла кирпич торъясыс мусмис заводса олӧмыс мем. Сэні заводас зонкӧд тӧдмаси… Мыйӧн чукӧстчас свистокыс «у-ук!» — кияс мыськышта, вӧлі котӧрта, чышъян юр вылӧ плавгышта тшук… Быд рыт сыкӧд ми вӧлі аддзысьлам — асъя войӧдзыс он тӧдлы ун… Семӧн зон кузя кирпич чипасъяс лои муса мем быд пельӧс сэн. Дыр-ӧ, регыд-ӧ олім сідз ногӧн, забастовка кӧ сэки эз торк: ортсӧ вӧтлісны менӧ Семӧнкӧд. Нӧшта тшӧтш кыксё сизимдас морт. Сэсся сы бӧрын, сар война дырйи дӧзмис власьт вылӧ уджалысь йӧз: пусь-пась жугӧдліс ставсӧ торпыриг — ыджыд заводысь изтор эз коль. Вӧля шед мысти, Сӧвет власьт дырйи гажа овмӧдчис уджалысь йӧз: завод бӧр кыптіс, лои важсьыс бур — лун-лун гымалӧ, мунӧ сэн удж. Сэки бара ме пыри заводӧ — ныв шудӧс ассьым сэн аддзи ме бӧр. Бара мӧдӧдчи сэні уджавны, Семӧн ёрт лои юралысь морт. Тані муслунӧй, тані сюсьлунӧй — делегаткаӧ бӧрйӧны пыр. Важ моз ог нин пов, гусьӧн ог нин ов — выль ног олӧмӧн сьӧлӧмӧй тыр.
Вуджӧдысь: 
Гижӧд
Кирпич заводӧ медаси ме...
Ӧшмӧс: 
Пасйӧд: 

Роч сьыланкыв «Кирпичики»

lkejrlkelkrgner klrjnelknfrkl ekjnrjkenfrej

1