МЕНАМ ОТЧИЗНА
Меным муса веж коръяса пелысь, Кор сэн ӧзйӧны розъяс, кыдз би, Юяс, гӧраяс, вӧръяс — дзик ставыс, Мый отчизнаӧн шуамӧй ми. Кыа ломалӧ тан коммунизмлӧн, Зарни югӧрын му и став ва. Отчизна, тэ, менам отчизна, Тувсов шондіа югыд страна! Войвыв моресянь лунвыв веж муӧдз, Кыдзи ытвадыр гыалӧ ю, Визув томлунӧн олӧмным пуӧ, Гажа садъясӧ пасьтасьӧ му. Кыа ломалӧ тан коммунизмлӧн. Зарни югӧрын му и став ва. Отчизна, тэ, менам отчизна, Тувсов шондіа югыд страна! Паськыд вӧръясті муна, кӧн пуяс Вылӧ гордӧя лэптӧны юр, Либӧ сэті, колхознӧй кӧн муяс, — Гӧгӧр вӧльнӧя дзордзалӧ труд. Кыа ломалӧ тан коммунизмлӧн, Зарни югӧрын му и став ва. Отчизна, тэ, менам отчизна, Тувсов шондіа югыд страна! Кӧть мед кытчӧ ог веськӧд ме синмӧс, Кӧть мед кытчӧ ас муӧд ог мун, — Гӧгӧр аддза выль каръяслысь дзирдъяс, Кыла гырысь заводъяслысь шум. Кыа ломалӧ тан коммунизмлӧн, Зарни югӧрын му и став ва. Отчизна, тэ, менам отчизна, Тувсов шондіа югыд страна! Эзысь рыт. Тӧлысь видзӧдчӧ ваын. Гажа кыр йылын — сьыланкыв гор. Тайӧ менам свободнӧй странаын Аслас шуд йылысь сьылӧ народ. Кыа ломалӧ тан коммунизмлӧн, Зарни югӧрын му и став ва. Отчизна, тэ, менам отчизна, Тувсов шондіа югыд страна! Свет да разум, твердыня и слава, И став уджалысь йӧзлӧн почёт, Здравствуйт, миян великӧй держава — Мирын мирлӧн могучӧй оплот! Кыа ломалӧ тан коммунизмлӧн, Зарни югӧрын му и став ва. Отчизна, тэ, менам отчизна, Тувсов шондіа югыд страна! 1949 во.
Гижӧд
Менам Отчизна

lkejrlkelkrgner klrjnelknfrkl ekjnrjkenfrej

1