ПИЛОСТАВӦшинь сайын помтӧм парма, Шынитӧв. Сӧмын менам керка пытшкын Абу чӧв: Кута киясын напильник, — Дзиж да дзинь — Кесла, тӧчита ме зіля Пила пинь. Коді шуас: пилостав пӧ Миян лёк? Лесопунктын меным быдӧн Друг да вок. Сідзкӧ, век жӧ, ме — почётын? Дерт жӧ, да! И, ог мудзлыв, пыр ме тӧчита Пила! Став вӧр лэдзысьясысь садьма Медся водз, — Пилоставлы мӧдног Некыдзи оз позь: Инструмент кӧ киын лэчыд, Удж оз чот, — Планысь вывті кубометръяс Вӧчӧ ёрт. Бура уджала, и рытын Мен сё ныв Сьылӧ муслун йылысь мелі Сьыланкыв. Но беда, мый сьӧлӧм ӧтик, Мӧд оз чуж. Юкны ставлы сійӧс дась, но... Ме ог куж. Коді шуас: пилостав пӧ Миян лёк? Лесопунктын меным быдӧн Друг да вок. Сідзкӧ, век жӧ, ме — почётын? Дерт жӧ, да! И, ог мудзлыв, пыр ме тӧчита Пила! 1948 во
