КОР МИ АДДЗЫСЬЛАМ ТЭКӦД
Кор ми аддзысьлам тэкӧд, Менам куслытӧм кодзув, Сэки югдывлӧ енэж, Выль ног вӧччывлӧ сад. Кор ми аддзысьлам тэкӧд, Менам дзирдалан кодзув, Пӧся тіпкӧ сэк сьӧлӧм И радлӧ том кад. Зарниӧн ӧзйӧ Кыалӧн рӧм. Рытыс зэв шоныд да лӧнь. Сьӧлӧмӧй менам Виччысьӧ тэнӧ Сэтчӧ, кӧн шӧпкӧ веж льӧм! Паськыд Эжва ю дорын Миян гӧрддзассис муслун, Долыд удж вылын сӧвмис, Кыдзи видзвыв цветок. Сійӧ миянӧс корӧ Асьсӧ сӧстӧма видзны, Медым морӧсӧ некор Эз пыравлы шог. Югыд муслун эм радлун, Сійӧ кыпӧдӧ сьӧлӧм, Тэнӧ чуксалӧ водзӧ, Медым восьтны выль эрд, Кӧні ми водзын кадыс Ачыс бӧрыньтчӧ тӧлӧн, Сетӧ вӧжжисӧ киад Кузь нэм кежлӧ тэд. Зарниӧн ӧзйӧ Кыалӧн рӧм. Рытыс зэв шоныд да лӧнь. Сьӧлӧмӧй менам Виччысьӧ тэнӧ Сэтчӧ, кӧн шӧпкӧ веж льӧм! 1955 во.
Гижӧд
Кор ми аддзысьлам тэкӧд
Ӧшмӧс: 

lkejrlkelkrgner klrjnelknfrkl ekjnrjkenfrej

1