КӦТЬ ОЗ ДЗИРДАВ ШОНДІНебыдик лым чиръяс Лэбӧны, кыдз пух. Бӧрӧ колис дзиръя, Вӧлӧс тэ он кут. Лӧсьыд, сьӧлӧмшӧр, Аддзыны ас му да вӧр, Тэлань тӧлӧн Мунны вӧлӧн! Кӧть оз дзирдав шонді И оз жургы шор, Меным енэж вевтыс Ньӧти абу нор. Мен тэ воча петан Югыд кодзув моз. Ӧтлаын мен тэкӧд — Югдӧ став колхоз. Аддза тэнӧ — сьылӧ Паськыд ю и шор, — Парма пасьта кылӧ Меным долыд гор. Лӧсьыд, сьӧлӧмшӧр, Аддзыны ас му да вӧр, Тэлань тӧлӧн Мунны вӧлӧн! 1959 во.
