* * *

Меным, кылан, дяк,
Еннога манак
Ӧлӧ нывкӧд сёрнитны,
Ӧлӧ-й видзӧдны…

Том да мича ныв,
Тӧдан… ӧти кыв:
Кодыр сійӧс окавлан,
Сутшӧн быдмывлан.

Шоныд сы дыръя,
Югыд сы пыръя…
Шонді сайӧдӧ манак
Рясанас, бур дяк.

Тэд та сёрнитӧм
Абу тӧдӧмтӧм:
Этша ме моз велалін
Тэ сьӧд школаын.

Он кисьмы некор
Шондіястӧг… Сёр
Яндысьӧ ас паськӧмысь
Схима пасьталысь.

Сӧмын олӧ чӧв…
Гулюӧн эз вӧв;
Сьӧд и пул-пал вӧліс пыр.
Кыдзи бордашыр.