БАНЙӦМ КОМИ МУ!


Тувсов шонді югӧр улын
Беринӧссис унзіль вӧр.
Синсӧ тільысь Коми муын
Ӧвтӧ ловзьӧдана кӧр.

Читкылясьӧ чужысь турун.
Дзоридз мыччӧ еджыд ныр.
Шонді бӧръя тола пурӧ,
Ӧшкамӧшкаасьӧ кыр.

Тронякылӧ садьмысь ывла:
Торгӧ гулькйӧн тюрысь шор,
Чишкакылӧ сотчысь лымва,
Кылӧ йӧлӧгалӧн гор.

Тӧвся потшӧс жуглӧм бӧрын
Рушкуасьӧ тэрыб ю.
Лунысь-лунӧ ышмӧм вӧрын
Чомӧрасьӧ лапъя пу.

Вӧрыс йӧктӧ, ваыс сьылӧ,
Быдӧн вежӧ тӧвся ку.
Кӧдзыдыс да шогыс сылӧ,
Банйӧ садьмӧм Коми му!