ТУЛЫС


Гажа тулыс воис.
Гӧгӧр жургӧ шор.
Шонді лымйӧс сёйис.
Ловзис пулӧн кор.

Ю кузя йи кывтӧ —
Тувсов ва оз узь.
Небесаяс вывті
Лэбзьӧ дзодзӧг, юсь.

Гожӧм абу ылын.
Эжа лои веж.
Челядь берег вылын
Ворсӧны лун чӧж.

Вадорын бур нывъяс
Сьылӧны быд вой;
Мусукъяслӧн кывъяс
Лоӧны зэв збой...

Кодлы кӧдзны колӧ —
Лӧсьӧдӧны гӧр.
Лымйысь оз нин повны,
Виччысьӧны зэр.

Пӧрысьлы мый керны?
Сирӧн мавтны пыж.
Шонді улын вӧрны,
Сылы абу дыш.

Тулыс мортлы шуис:.
«Гажӧдчы, бур вок!»
Ылӧ-ылӧ нуис
Сійӧ йӧзлысь шог.