* * *

Ме кӧ эськӧ вӧлі тэнад,
Тайӧ олӧмсӧ эг ёр.
Став сьӧд висьӧмъяссӧ вені,
Сеті йӧзлы ыджыдтор.

Тэд став мелілунӧс сеті,
Видзи тэнӧ синмӧс моз.
Бара менам синва петіс,
Мый оз збыльмы тайӧ, оз.

Менам помасьлытӧм муслун,
Быравлытӧм сьӧлӧм дой.
Югыд шондіӧй, эн куслы,
Зарни югӧртӧ пыр кой.

Кымӧр костъясӧ эн сайлась,
Ыджыд радлунӧс эн дзеб.
Енэж шӧрас бара кайлы,
Тувсов сынӧдын моз лэб.

Эг на тыртӧммӧй ми дзикӧдз,
Эз на таляв веськодьлун.
Талун веськалім кӧ пикӧ,
Аски лоас шуда лун.