ОКОТА НА


Окота на олыштны,
Морӧстырӧн лолыштны.
Ӧшинь улысь петлыны, 
Парма ягӧ ветлыны.
Вӧрсӧ-васӧ визьлыны, 
Ордымъясӧс видлыны.
Тшаксӧ-пувсӧ вотыштны,
Гортӧ локны чотышттӧг.
Уджысь бур пӧт мудзыштны, 
Бипур дорын узьыштны.
Эжва юса черисӧ
Юква пуны керыштны.
Небзьӧдчывны корсюрӧ,
Пывсиг, кыдз пу корӧсьӧн.
Мед на тшӧтш и мойвилас
Ышмывлыны вой улас
Сьӧлӧмшӧрӧй-пӧлӧйкӧд...
Енмыс мед на слӧймӧдлӧ
Кывбурторъяс лӧсьӧдны.
Лыддян да, мед пӧсьӧдлӧ.
Окота на олыштны,
Чужан мулы колыштны.