* * *
Тэ тайӧ тӧвсӧ некор, донаӧй, эн вунӧд. Мед воас тулыс, воас гожӧм, сэсся ар, И ветлысь-мунысь кӧдзыд тӧлыс лоӧ уна. Но миян тэкӧд вӧлі ӧти тӧв и кар. А тӧлыс скӧраліс ме вылӧ — помтӧм тӧлыс, Мый мудзи ӧтнам сыкӧд венсьынысӧ друг, Мый мудзи ӧтнам тайӧ горзысь лӧняс-чӧлас. Да оз и вӧрзьыв некор менам ӧдзӧс вуг. Ме корси ачым аслым тэнӧ, турӧб веніг, И йӧймӧм тӧлыс лоис шоныд, лӧнь и бур. Ме эски тэӧ — коркӧ важӧн, кӧнкӧ сэні. Ме аддзи тэнӧ, сӧмын тэныд тай эг сюр. И колис тӧв. И ставыс, ставыс, ставыс сылӧ. А тэнад сьӧлӧм кулӧм пу моз коли кын. Тэ кослы тӧлас, миян тӧлас, кылан, кылан? Ме пыр на сэні: менам мунны абу вын.
Гижӧд
Тэ тайӧ тӧвсӧ некор, донаӧй, эн вунӧд...
Жанр: 

lkejrlkelkrgner klrjnelknfrkl ekjnrjkenfrej

1