ПЛЕЩЕЕВО ТЫ


Помтӧг ызгӧны пемыд гыяс,
Каля мурталӧ тылысь от.
Быттьӧ потанын, тайӧ тыас
Быдмис сӧмын на чужӧм флот.

Еджыд парусъяс, лыйлӧм, горзӧм, — 
Кусны гажыслы Пётр оз сет.
Царь пӧ верстьӧ, а век на ворсӧ, — 
Ас ног мӧвпыштіс наян швед.

Сідзкӧ, кокниа шедас слава,
Роч му-ва вылын вичмас шуд...
Сӧмын ойкӧдіс шведӧс Полтава,
Вӧйтіс наянлунсӧ Гангут...

Менам сьӧлӧмӧй бара радлӧ.
Вой шӧр. Кодзулыс гашкӧ сюрс.
Севастопольсянь миян эскадра
Талун лунвылӧ босьтӧ курс.