* * *
Талун комын градус кӧдзыд, Ӧшлӧм паськӧм оз шед — Кын. Быттьӧ сюръя, кымӧрӧдзыс Пуркйӧ-кайӧ еджыд тшын. Вӧлі керка пытшкын ыркыд. Юклім сартас, Чутким би, Здук — и пачным со нин ыргӧ, Ӧдзӧс вугйыс сотӧ ки. Биыс пескӧ босьтчис яра. Ортсын кӧдзыд лыйсьӧ... Мед! Пачыс ымралӧ нин жарӧн, Лоӧ шоныд мем и тэд. Пуктам чай, И оз ков вина, Меным тэкӧд лӧсьыд сідз, Сӧмын сывйышт еджыд кинад, Мыччы олӧмыслысь мич. Мый декабрын, мый июньын — Тэкӧд орччӧн ворсӧ вир. Зарни чунькытш нимтӧм чуняд Койӧ ассьыс небыд дзирд. Йиыс ӧшиньясын сылӧ... Дивуйтча — Ог гӧгӧрво: Челядь разалісны ылӧ, А ме видзӧда тэ вылӧ Век на быттьӧ первой во.
Гижӧд
Талун комын градус кӧдзыд...
Жанр: 

lkejrlkelkrgner klrjnelknfrkl ekjnrjkenfrej

1