КОМИ НЫВЛЫ
Мича нылӧ, еджыд нылӧ! Эн тэ сэтшӧм нора сьыв; Мед ми том йӧз огӧ кылӧ Тэнсьыд ёна шогсян кыв. Тэд мый ӧні бӧрдантор, Гажӧдчыны колӧ кор? Эн на шогсьы ай-энь дінын, Ёна сёрнит зонъяскӧд. Ас бур гортса вокъяс пиын Он на гудыр ваын пӧд. Эн тэ шогсьы, эн тэ бӧрд: Синмыд абу на мед гӧрд. Удитан на пӧрысьланьын Кисьтны ассьыд синватор: Кор тэ лоан верӧс сайын, Сьывныд лоас сэк некор. Гажаджыка, нылӧ, сьыв Муса нылӧ, коми ныв!
Гижысь: 
Гижӧд
Коми нывлы

lkejrlkelkrgner klrjnelknfrkl ekjnrjkenfrej

1