КОЛӦ ТӦДНЫ


Тӧдны ӧд колӧ став уджалысь йӧзлы,
Кыдзи нин олӧмъяс мунӧны, кӧн?
Озырлӧн бара нин летйысьӧ бӧжныс,
Бара нин вывланьӧ сувтӧма гӧн.

Кытысь нӧ, коді нин кутшӧмтор корсьӧ? — 
Артыштлӧй гӧгӧрбок, пыркнитӧй юр.
Коді да кодӧс нӧ люкыштны кӧсйӧ, 
Выльысь нин чурйӧдлӧ люкасян сюр?.. 

Вермасны ещӧ на косьясыд лоны:
Ставыс на гӧгӧрбок озырӧн тыр.
Озыръяс пиньяссӧ йирӧны ёна,
Бара нин кытчӧкӧ сюйӧны ныр.

Мыйкӧ тай бара со оз тырмы, вокӧ, 
Горшныс тай озырлӧн век на оз пӧт. 
Сӧветскӧй Союзлы ыстӧны «нота»,
Оз-ӧ пӧ скӧрмы да, кось вылӧ пет.

Сӧвет власть та вылӧ кыв видзӧ воча:
«Колӧкӧ гыжъясьӧй, уна кӧ вын.
Асьнымтӧ некор ми ог пырӧй косьӧ,
Кыскад кӧ, ки-кокным абу жӧ кын».