КУЛЬӦМ УР


Кальӧг вома вӧралысьлы
Вӧрса вӧлӧм «козин» ыстӧ:
Петас кульӧм ур пӧ кыськӧ,
Вӧралысьтӧ сідз и «лысьтӧ».
Лыйлан, другӧ, дрӧб и порок.
Урыд нӧшта лыйны корӧ,
Козпу йылын дзик рытсёрӧдз
Ворсӧ, оз тай чергӧд морӧн.
Кушмас лазйысь припас сепыс,
Бырӧ бӧръя дрӧб тусь сэтысь,
Урыд вӧлись пӧрас тшынӧ,
Мортыд казялас, мый жынӧ.
Миян кадӧ онджык кывлы
Вӧрса кульӧм уръяс йылысь.
Выль ног ӧні олам-вылам,
Выль нога нин мойдам-сьылам.
Но пыр тшӧкыдджыка овлӧ,
Йӧзсянь виччысьнысӧ колӧ:
Гудраласны вӧт и вемӧс,
Дзугъяласны варов лемнас.