КОДРАЛӦМ

«Аминьӧй! Олӧм тай пома! –
Лӧвтышті коркӧ, йӧй вомыд, –
Истӧг моз ыпнитлан-куслан,
Нюкыльтчан, ӧгралан-чусман...»
Ачым тай сёрнивыв усьлі.
          Кусін. Кусім. Кусі...

«Аскиыд коркӧ на лоӧ,
Лэбыштас коркӧ на лолыд», –
Ичӧтик киньястӧ койин
Нюмсера синъяссьыд войын,
Ачыд дон кыа кодь лоин,
          войын войӧ воин...

Аскиыс талун тай воис.
Лунъюгыд дзурсмуніс войӧ.
Ичӧтик куткыртчӧм пышкай,
Нетшкысьысь Саридзас пышйин.
Ас кежысь Вой кыа кытшын
         пышйин, эзысь пыжын...