БОЛЬГЫСЬ ИВӦ


Ваньлӧн кывйыс со пуӧ,
Вывлань лыбыштлӧ ки.
— Пыр жӧ петамӧй, — шуӧ, —
Важ кӧрт чукӧртны ми.
Зіля босьтчамӧ уджас,
Кӧть и мудзыштас кос!

Челядь син водзын пуджис
Мича дӧрӧмлысь сос.
Кодкӧ кыссьӧ со ворйӧн,
Кодкӧ тупыльтіс пӧрт.
Ваня сулалӧ борйын.
Эз вай некутшӧм кӧрт.
Мыйла вешйӧма бокӧ?
Гашкӧ, кӧртыс эз сюр?
Эз-ӧ доймы нин кокыс?
Эз-ӧ кольмы нин юр?

Кывнас уджавны Ивӧ
Сӧмын, вӧлӧмкӧ, дась.
Со ӧд кутшӧм ме дивӧ
Талун аддзылі тась.