СТРАДНА КАДӦ


Чубъю дорӧ
панім зорӧд.
Жарла сылӧ гос.
Лёддзысь турун
тэчам юрӧ.
Чажакылӧ, кос.

Лӧдз-ном тырыс,
эбӧс бырӧ.
Ныр вылад эн усь!
Мам кӧть пӧрысь,
мед на вӧрысь.
Горзӧ, эн пӧ узь.

Карын олан,
уджысь полан.
Тэрыба пӧ курт.
Кыптӧ кымӧр
чардӧн-гымӧн,
он ӧд сійӧс кут.

Турун воис,
зорӧд лоис.
Лӧсьыдик да тшап.
лэччигмозным
пажын дозйӧ
вотыштім и тшак.

Кыдз пу корӧсь
вӧр ю дорысь,
Висер юысь ва.
Горъя пывсян
мудзӧм вывсьыд,
майбыр, быттьӧ ма!

Сёйи-юи,
вынӧй туис.
Кыпыдлунӧн тыр.
Сӧмын мамӧ
зэв нин рама
узьны водіс пыр.