ДАНЬӦ ГИЖӦ ВИСЬТ


Мый жӧ тӧрыт вӧчис бурсӧ —
Даньӧ классын гижӧ висьт.
Быдса час нин жуглӧ юрсӧ,
Немтор вежӧрысь оз письт.
Он ӧд гиж, кыдз тӧрыт Даньӧ
Воклы плешкас пуктіс сюр.
Бӧжӧд кыскалыштіс каньӧс,
Чойлысь някралыштіс юр.
Дерт, и бурторсӧ эз вунӧд,
Тетрадь листӧ пуктіс пас.
Пӧчлысь сумка тайӧ лунӧ
Нуис, гашкӧ, воськов дас!
Сэсся шуис чуймӧм пӧчлы:
Ки пӧ лют-лётмуні нач,
Татшӧм уджтӧ сьӧкыд вӧчны.
Мачӧн ворсны пышйис скач.
Со и жуглӧ ӧні юрсӧ,
Вывті дженьыд артмӧ висьт.
Мый нӧ нӧшта вӧчис бурсӧ?
Некыдз вежӧрысь оз письт.