* * *
Кыпыд сьӧлӧма, дзулькйысь эбӧса Локтӧ тулысыс миян Войвылӧ, Зарни шердынысь паськыд эрдъясӧ Шонді югӧрсӧ содзнас коялӧ. Тулыс-гӧстяӧй мойдса платтьӧа: Гӧгӧр вералӧ, ворсӧ бисерӧн. Сылӧн томлунысь, лӧсьыд статьлунысь Весиг кельдыштӧ тӧлысь-исерга. Сылӧн лов шыысь ставӧн кыламӧ Ас ног шудаа сьӧлӧм шоналӧм. Тулыс восьлалӧ лэбач сьылӧмӧн, Лыддьӧ нимкывъяс ныла-зонмалы. Шоныд зэр бӧрти нимкодь кӧдзысьлы Петӧ ыб вылӧ кыпыд сьӧлӧмӧн. Туӧм Эжваын шонді кӧчасьӧ, Гӧрдлӧ ывлаыс кӧрт вӧв гӧлӧсӧн. Воліс тулысыс лунвыв саридзсянь Паськыд бордъяса еджыд дзодзӧгкӧд. Тулыс восьлаліс миян парматі Киас льӧм пулӧн еджыд дзоридзӧн.
Гижысь: 
Гижӧд
Кыпыд сьӧлӧма, дзулькйысь эбӧса...
Жанр: 

lkejrlkelkrgner klrjnelknfrkl ekjnrjkenfrej

1