* * *
Киын сӧн кодь, лӧз да чукля, Вӧрӧд кывтӧ ёльыс. Ывла гажнас морӧс чукъя, Кӧть и оз сьыв колип. Ягыс горнича кодь югыд, Нитшкыс — сылӧн кудри. Рыжӧй понтшак берин вылас Коялӧ со пудри. Тані сиасьлӧма коркӧ Сиктса мужикулов. Сирӧд чӧвлун менӧ корӧ Ӧні татчӧ пувла. Тонӧ коз пу — быттьӧ батьӧй — Чӧс туй вылас шойччӧ. Киын чуман, мышкын пестер, Муна сылы воча. Асъя руыс табак тшын моз Коз пусяньыс кыптӧ. Лысва пиын мыссьӧм пелысь Ловъя биӧн ыпйӧ. Ёльыс бокын — быттьӧ дӧва — Бадь пу кисьтӧ синва. Лӧсьыд жӧ нин — абу ӧвад, Коддзан, оз ков вина. Кисьмӧм пувъя дзулӧн отыс Сотӧ-ёрӧ синъяс. Арлы соддзас койӧ вотӧс Ассьыд югыд киньяс.
Гижӧд
Киын сӧн кодь, лӧз да чукля...
Жанр: 

lkejrlkelkrgner klrjnelknfrkl ekjnrjkenfrej

1