* * *
Шонді помаліс лунтыръя удж, Ывла лоис кыдз пӧдлалӧм книга. Чужан му, ӧні личӧдышт мудз, Менам пельпомӧ мыджсьышт тшӧтш кинад. Сьӧд чернила кодь шевкнитчис вой, Гижан перӧӧс чуткыла сэтчӧ, Медым кывбурӧ вӧр-валӧн мойд Югыд строкаӧн зумыда зэвтчис. Вӧлі гожӧмыс ыркыд, но жаль: Ӧдйӧ восьлаліс тшайпода кокнас. Парма йӧктӧ нин арся важ вальс, Ӧвтчӧ кияснас, назӧдчӧ вомнас. Менам сьӧлӧмӧй ланьтӧма чӧв, Кывзӧ кадыслысь гӧлӧссӧ-горсӧ. Кылӧ пос помын шычкиртӧ тӧв, Дзебсьӧм гожӧмсӧ быдлаысь корсьӧ. Сӧмын вой тӧлыс корсьысьӧ весь, Видзӧ весьшӧрӧ ассьыс вын-эбӧс: Кӧдзыд тӧлыс мед эз кынтав, эз, Аслам кывбурӧ гожӧмсӧ дзеби.
Гижысь: 
Гижӧд
Шонді помаліс лунтыръя удж...
Жанр: 

lkejrlkelkrgner klrjnelknfrkl ekjnrjkenfrej

1