ЙӦЛАКӦДЖЫН
Воча вок Васька Миш Ёгорлы
Куим лун нин — абу полысь — Вӧр керкаын ола. Сӧмын тані — карса олысь — Парма пиӧн лола. Вота ельдӧг гажа ягас Либӧ тыын кыйся. Чечча сэк, кор унзіль асыв Лысваӧн на мыссьӧ. Чорыд вольпась вылас ланьтлам Войыскӧд ми кыкӧн. Узьны эськӧ, ерӧмакань, Тані небыд нывкӧд! Йӧлакӧджӧн шусьӧ тыыс, Бура шедӧ чери. Рытъявылыс бипур шыас Куритчигмоз кера. Пӧртйӧ пукта сир да пӧддяз, Пуа чӧскыд юква. Кӧть и лунтыр нокся-жӧдза, Ки-кокӧй оз юкав. Войся руыс вӧр-ва весьтӧ Кыськӧ кунь-кань локтіс. Кокни шебрас улӧ дзебсис Тылӧн букыш отыс. Сявкйӧ би кинь бӧрся би кинь, Трачкӧдчӧ кос конда. Ачыс арыс бипур дорын Чужӧмбансӧ шонтӧ.
Гижысь: 
Гижӧд
Йӧлакӧджын
Жанр: 

lkejrlkelkrgner klrjnelknfrkl ekjnrjkenfrej

1