КОДІ МЕ?


Вӧвлі нация — комиӧн шусис,
Тагъя сурысь эз воштывлы садьсӧ.
Кыйсиг-вӧраліг банькаын узьліс,
Некор весьшӧрӧ эз лотлы кадсӧ.

Весиг шунысӧ оз кыпты лолӧй:
Юан висьӧмӧн коми сикт висьмис.
Джынсьыс унджык кӧн коми морт олӧ
Колис Кулӧмдін, Кӧрткерӧс, Изьва.

Чинӧ вужвойтыр, чужан кыв бырӧ,
Коми бать-мамлӧн ныв-пиыс рочмӧ.
Татшӧм дивӧыс нюжалас дыр-ӧ?
Лоӧ сёр, кодыр вежӧрӧн очмам.

Карад рочасьӧ пӧрысь и, том и,
Найдик понйӧй и, суседлӧн каньыс...
Пашпорт серти ме абу нин коми,
Пашпорт серти кӧ, ме — россиянин.