ӦШИНЬ УВ ЙӦРЫН
«Василей» гаж быттьӧ ӧшинь ув йӧрын: Ливкйӧдлӧ пышкай и чиркъялӧ чирк. Дзоридзьяс ӧвтӧны чӧскыд ма кӧрӧн, Ӧшиньын пӧртмасьӧ яр шонді дзирд. Вежӧдысь туруна луг саяс, эстӧн, Эзысьӧн лӧсталӧ Эжвалӧн от. Коддзӧдан сынӧдсьыс ас чужан грездын Водкатӧг, «Троятӧг» пӧт ме и код. Петук кодь збодер ме ӧшинь ув йӧрын, Гажысла сьӧлӧмӧй рифмаӧн тыр. Велӧдча олӧмсӧ перӧӧн гӧрны, Велӧдча йӧз синмӧ видзӧдігтыр. Шоныда, югыда шондіыс лэччӧ, Дзормыштӧм кымӧрыс — пӧльӧлӧн тош. Шондіыс петтӧдз, лӧз тӧдчигӧн чечча, Ывла выв лӧзнас мед веськӧдны горш.
Гижысь: 
Гижӧд
Ӧшинь ув йӧрын
Жанр: 

lkejrlkelkrgner klrjnelknfrkl ekjnrjkenfrej

1