СЛӦТИТӦ ЫВЛАЫС
Слӧтитӧ ывлаыс. Ыджыд пач ломті. Видзӧда, кыдзи сэн трачкӧдчӧ пес... Сиктаным кок шытӧг арся рыт локтіс. Бара на лун колис. Колис эз весь. Клювзігтыр шлывгисны тӧвйыны юсьяс, Прӧщайтчан сьыланныс шыаліс нор. Весигтӧ синваӧй тӧдлытӧг усис, Юр весьтті лэбачьяс лэбисны кор. Юралысь юсьыс — нач Васька Лодыгин — Босьталӧ сьыланлысь кывъяс и глас. Тӧдсаыс кельӧбас нӧшта на кыкӧн — Клювзӧны кык композитор, кык Вась. Тадзи жӧ юсьяс моз мунлі ме гортысь, Мунлі сьӧд юрсиа, вои со — дзор. Гашкӧ и юсьясыс сы вӧсна дзорӧсь — Лолӧ со эновтны сё муса горт. Гортын ме збыльвылӧ лола поэтӧн, Пармаӧн, Эжваӧн лола ме тан. Бать пыдди, чужан сикт, кутыштла тэнӧ, Мам пыдди окышта пӧрысьмӧм бан. ...Вальмася паччӧрын, вуграла кань моз, Пельпомӧн пемыдсӧ йӧткала дыр. Думъясӧй личкӧны... Коркӧ и ланьта Войыслысь вом дорсӧ окалігтыр.
Гижысь: 
Гижӧд
Слӧтитӧ ывлаыс
Жанр: 

lkejrlkelkrgner klrjnelknfrkl ekjnrjkenfrej

1