ДЖЕДЖИМ

Сикт весьтті Важ Эжвасӧ ныръялӧмаӧсь пурта тракторӧн, 
мед вӧчны сэтчӧ Шӧръяг вӧрпунктлы улыс склад. 
Юсӧ тшыкӧдӧмаӧсь, а вӧрсӧ абу и вайлӧмаӧсь.
Воймӧм стенъяса, пӧрысьмӧм сиктӧй, Дзоля дырйи кодь век на тэ муса. Аслад пиыдлы мыччы вай китӧ, Тэнад сывйын мед коркӧ и куса. Уна во тэнӧ аддзывлі вӧтӧн, Ӧні синъясӧн малыштны верма. Кӧть и челядьдыр эз вӧвлы пӧтӧн, Сэки юргыліс гажлун и серам. Ӧні тшӧтшъяяс ме моз жӧ дзорӧсь, Кодкӧ юсьӧма, кулӧма кодкӧ... Часлы, лэччыла Важ Эжва дорӧдз, Ваньӧ воккӧд кӧн вуграсьлім коркӧ. Аддзи серпассӧ — шемӧсӧ уси, Эг куж виччысьны ме татшӧмторсӧ: Кытчӧ вошӧма Важ Эжва юыс, Коді вердліс да юктавліс мортӧс? Со тай сыв пасьта кольӧма сійӧ, Ӧдва лыбан нин пелыса пыжӧн... Косьтам вужнымӧс асланым киӧн, Ок и ёна жӧ тӧлк-сямтӧг ышмим! Пуджи гач кокӧс. Ю вомӧн келі. Мамӧй ытшкывліс тан, мӧдлапӧлас. Ӧнӧдз син водзын: косасӧ кеслӧ, Быттьӧ кыла тшӧтш мамӧлысь гӧлӧс. Эстчӧ кыдз пуа томиник раскас Пӧчкӧд волывлі чегъявны корӧсь. Гоб да иванчик корсявлі ягас, Юмов оз тусьяс ӧктавлі борсьыс. Талун ачым ме челядь кодь бара, Челядь синъясӧн аддза ме сиктӧс, Кӧть и тырта нин квайтымын арӧс Иван Насталӧн медічӧт пиыс. Рытыс вежӧдӧм туруна, шоныд, Небыд тӧврулы восьлала воча. Ылын вӧр йылас ӧшалӧ шонді — Быттьӧ кывбурам медбӧръя точка.
Гижысь: 
Гижӧд
Джеджим
Жанр: 

lkejrlkelkrgner klrjnelknfrkl ekjnrjkenfrej

1